Rayon Sports ikomeje kubaka ubusatirizi bwayo, yamaze kwakira undi rutahizamu mushya wo muri Repubulika Iharanira Demokarasi ya Congo, Mabiala Kinkela.
Kuri uyu wa Kane, tariki ya 30 Ugushyingo 2023, ni bwo Rayon Sports yemeje ko amakuru y’uko yakiriye uyu rutahizamu ugomba kuyisinyira akazafatanya nayo mu mikino ya Shampiyona.
Mabiala akurikiye Alsény Camara Agogo wageze mu Rwanda mu Cyumweru gishize mu igerageza.
Nubwo bivugwa ko abatoza ba Rayon Sports batarashima neza urwego rwa Agogo, ubuyobozi bwahisemo gushaka undi wo gufatanya na Charles Bbaale, Musa Esenu na Rudasingwa Prince umaze ukwezi akora isuzuma muri Riga Football Club yo muri Latvia.
Mabiala Kinkela yakiniye RC Kinshasa yo muri Repubilika Iharanira Demokarasi ya Congo yamanutse mu Cyiciro cya Kabiri mu 2021.