top_leaderboard
Thursday, May 6E-mail: info@isonganews.com | Tel: 0783412401

Ivuguruwe: 37 bamaze kugwa mu myigaragambyo yadutse nyuma y’ifatwa rya Bobe Wine

Abantu 37 nibo bimaze kwemezwa ko bamaze kugwa mu myigaragambyo ikaze ikomeje muri Uganda, nyuma y’aho Bobe Wine wiyamamazanya na perezida Museveni mu matora y’umukuru w’igihugu atawe muri yombi.

Amakuru ava muri Uganda aravuga ko igisirikare na Polisi barimo gukoresha amasasu barasa abari mu myigaragambyo.

Ku wa Gatatu nibwo Wine yatawe muri yombi mu Mujyi wa Luuka, nyuma yo gushinjwa kurenga kumabwiriza yatanzwe ajyanye no kwiyamamaza, ariko abantu barindwa kuba bakwandura coronavirus.

Polisi ivuga ko Wine yahurije hamwe abantu benshi mu gihe bitemewe, nyamara uyu mugabo we avuga ko nta kosa yakoze kuko na Museveni ubwe ahuza abantu benshi iyo arimo kwiyamamaza.

Nyuma y’itabwa muri yombi rye hadutse imyigaragambyo mu gihugu isaba ko Bone Wine arekurwa.

Amafoto yagiye hanze agaragaza abigaragambya bafunze imihanda yo mu murwa mukuru Kampala, batwika amapine abandi barimo guhinga kaburimbo.

Andi mafoto agaragaza inzego z’umutekano zafashe abigaragambyo bakubitwa mu buryo bukomeye.

Amakuru avuga ko abapfa bashobora kwiyongera kuko hari benshi bakomeretse.

Umuvugizi wa Polisi ya Kampala, Patrick Onyango yatangaje ko abantu 500 bamaze gutabwa muri yombi.

Umuvugizi w’igisirikare, Brig.Flavia Byekwaso we avuga ko ingabo zinjiye muri iki kibazo nyuma yo kubona ko abapolisi bananiwe guhangana n’abigaragambya.

Museveni w’imyaka 76 y’amavuko, amaze imyaka isaga 34 ategeka Uganda – guhera mu mwaka wa 1986.

Muri 2018 nibwo Urukiko rushinzwe kubungabunga itegekonshinga rwa Uganda, rwanzuye ko yemerewe kongera kwiyamamaza ku nshuro ya gatandatu ndetse nawe ntiyatenguha ishyaka rya NRM yemera kwiyamamaza mu matora ya 2021 ahanganye n’abarimo Depite Robert Kyagulanyi, uzwi cyane nka Bobi Wine.

Leave a Reply

Your email address will not be published. Required fields are marked *