top_leaderboard
Thursday, May 6E-mail: info@isonganews.com | Tel: 0783412401

U Buhinde buratangira kohereza mu mahanga inkingo za Covid mu byumweru

Mu mpera z’uku kwezi, Ubuhinde buzatangira kohereza mu mahanga inkingo za Covid nyuma y’igihe gito zemejwe muri iki gihugu nk’uko umutegetsi muri minisiteri y’ububanyi n’amahanga yabibwiye BBC.

Uyu mutegetsi yahakanye amakuru ko Ubuhinde butazohereza inkingo mu mahanga kugira ngo bubanze buhaze abazikeneye mu gihugu.

Ubuhinde bukora/butubura 60% by’inkingo zikenerwa ku isi, ibihugu byinshi bitegereje cyane ko Ubuhinde butangira kohereza inkingo ngo bibonereho.

Iki gihugu kimaze kwemeza gukoresha byihutirwa inkingo ebyiri zizatangira guterwa abantu muri uku kwezi kwa mbere.

Ubuhinde buri gutegura gahunda iri mu nini cyane ku isi yo gukingira abantu, barategura gukingira abantu miliyoni 300 kugeza mu kwezi kwa karindwi.

Abashinzwe kugenzura imiti mu Buhinde bamaze kwemeza inkingo ebyiri – urwakozwe na AstraZeneca na Oxford University (Covishield) n’urwakozwe na kompanyi yo mu Buhinde Bharat Biotech (Covaxin).

Umutegetsi muri minisiteri y’ububanyi n’amahanga avuga ko Ubuhinde buri kunoza gahunda yo gufasha ibindi bihugu kugerwaho n’urukingo.

Ibihugu byinshi muri Africa bisanzwe bikoresha imiti n’inkingo byinshi bikorerwa cyangwa bituburirwa mu Buhinde, byiteze cyane inkingo za Covid zivuye mu Buhinde.

Gahunda yo gukingira abantu mu Buhinde ni umwe mu nini cyane ku isi

Uyu mutegetsi mu Buhinde utifuje gutangazwa yagize ati:

“Mu byumweru bibiri nidutangira gukingira tuzatangira no kohereza inkingo mu bihugu bimwe bituranyi. Zimwe muzo tuzohereza tuzazishyura nk’impano, izindi zizishyurwa ku giciro guverinoma iziguraho.”

Tariki 03 z’uku kwezi kwa mbere abashinzwe imiti mu Buhinde bemeje ikoreshwa rya ziriya nkingo ebyiri, mu minsi 10 uhereye icyo gihe bazatangira gukingira Abahinde.

Ukuriye ikigo Serum Institute India kiri gutubura urukingo rwakozwe na Oxford/AstraZeneca mu Buhinde, ejo kuwa kabiri yabwiye BBC ko ikigo akuriye cyemerewe kohereza uru rukingo mu mahanga.

Yavuze ko ku ikubitiro mu byumweru bicye bazoherereza Bangladesh, Arabia Saoudite na Maroc.

Serum Institute na Bharat Biotech bamaze gutegura inkingo doze zirenga miliyoni 70 za Covid, mu gihe kandi bakomeje gutunganya izindi nyinshi bagamije guhaza isoko ry’abazikeneye.

Kuwa kabiri, ibi bigo bibiri bikora inkingo byasohoye itangazo bihuriyeho bivuga ko bizatanga “inkingo za Covid-19 zikenewe ku isi”.

Leave a Reply

Your email address will not be published. Required fields are marked *