top_leaderboard
Thursday, May 6E-mail: info@isonganews.com | Tel: 0783412401

Mu mahanga

Uruganda rw’ingufu za kirimbuzi rwa Iran rwagabweho igitero

Uruganda rw’ingufu za kirimbuzi rwa Iran rwagabweho igitero

Amakuru, Mu mahanga, Politiki, Umutekano
Uruganda rutunganya ingufu kirimbuzi rwatewe na 'kirogoya' umunsi umwe nyuma y'uko rwerekanye ibyuma bishya byo gutunganya no kwigwizaho uranium, nk'uko abategetsi babitangaje. Ali Akbar Salehi ukuriye gahunda yo gutunganya bene izi ngufu za Iran ntabwo yavuze uwo bashinja icyo "gikorwa cy'iterabwoba kirimbuzi", ku cyumweru cyahagaritse amashanyarazi ku ruganda rwa Natanz ruri mu majyepfo y'umurwa mukuru Tehran. Ibitangazamakuru bya leta muri Israel bivuga ko amakuru bikesha abo mu nzego z'ubutasi ari uko ari igitero cya mudasobwa cya Israel (cyber-attack) Leta ya Israel ntacyo iratangaza ku byabaye. Gusa mu minsi ishize yongereye ibikorwa byo kuburira Iran kuri gahunda yayo y'ingufu za kirimbuzi. Iki gitero kuri Iran cyabaye mu ...
Audio ya Trump asaba abashinzwe amatora muri Georgia ngo ‘bamushakire’ amajwi atsinde

Audio ya Trump asaba abashinzwe amatora muri Georgia ngo ‘bamushakire’ amajwi atsinde

Mu mahanga
Hasohotse amajwi ya Perezida wa Amerika Donald Trump ari kubwira umutegetsi ushinzwe amatora muri leta ya Georgia ngo "amushakire" amajwi akenewe kugira ngo atsinde Biden. Trump yumvikanye abwira Brad Raffensperger ushinzwe ububanyi n'amahanga muri iyi leta, kandi w'umurepubulikani, ati: "Ndashaka gusa amajwi 11,780". Muri aya majwi y'iminota ine yatangajwe na Washington Post, Raffensperger yumvikana amusubiza ko ibyavuye mu matora muri Georgia ari ntamakemwa. Joe Biden yatsinze muri leta ya Georgia n'amajwi 306 y'inteko itora kuri 232 ya Trump. Kuva ku munsi w'amatora tariki 03 z'ukwa 11, Trump yakomeje kuvuga ko amatora yaranzwe n'uburiganya n'ubwo nta kimenyetso cyabyo atanga. Kugeza ubu inkiko muri leta zitandukanye za Amerika zi...
Afurika Yohereje Intumwa Zidasanzwe Muri Etiyopiya

Afurika Yohereje Intumwa Zidasanzwe Muri Etiyopiya

Mu mahanga
Umuryango w’ubumwe bw’Afurika washyizeho itsinda rigizwe n’intumwa zidasanzwe zigiye gufasha guhuza impande zihanganye mu karere ka Tigray mu gihugu cya Etiyopiya. Ni akarere kamaze iminsi kavugwamo intambara zishingiye ku moko. Kuri uyu wa gatanu ni bwo umuyobozi w’umuryango w’ubumwe bw’Afurika Perezida Cyril Ramaphosa w’Afurika y’Epfo yabimenyesheje Perezida Sahle-Work Zewde wa Etiyopiya. Izo ntumwa zigizwe n’abigeze kuyobora ibihugu byabo barimo Joachim Chissano wayoboye Mozambike, Ellen Johnson-Sirleaf wayoboye Liberiya na Kgalema Motlanthe wayoboye Afurika y’Epfo. Izo ntumwa zahawe inshingano zo kuba abahuza mu bibazo biri muri Etiyopiya no gufasha kugarura amahoro n’ituze mu karere ka Tigray. Umunyamabanga mukuru w’umuryango w’abibumbye Anto...
Perezida Macky Sall yasheshe guverinoma

Perezida Macky Sall yasheshe guverinoma

Mu mahanga
Perezida Macky Sall wa Sénégal yaraye asheshe guverinoma ye, nkuko bikubiye mu itangazo ryasohowe n'ibiro bye. Perezida Sall yashyize umukono ku mategeko-teka ane ajyanye n'icyo cyemezo. Nta mpamvu yatanzwe ku cyatumye leta iseswa cyangwa igihe guverinoma nshya ishobora kuba yagiyeho. Guverinoma yasheshwe yari igizwe n'abaminisitiri 32 n'abanyamabanga ba leta batatu. Itangazo risesa iyo guverinoma rigira riti:"Mu gihe hategerejwe ishyirwaho rya guverinoma nshya, abaminisitiri bacyuye igihe n'abanyamabanga ba leta barasabwa gukomeza gahunda ziriho". Mu kwezi kwa kabiri mu 2019, Perezida Sall yatorewe manda ya kabiri y'imyaka itanu, ariko abatavuga rumwe na we bamushinje kubuza kwiyamamaza bamwe mu b'ingenzi mu bajyaga guhatana na we b...
FBI ivuga ko Iran n’Uburusiya bifite amakuru y’abatora muri Amerika

FBI ivuga ko Iran n’Uburusiya bifite amakuru y’abatora muri Amerika

Mu mahanga
Abakuriye ubutasi muri Amerika batangaje ko Iran ari yo yoherereje ubutumwa bwa 'email' abatora bo mu ishyaka ry'abademokarate ibatera ubwoba. Ubwo butumwa bwa 'email' busa nk'ubwoherejwe n'itsinda ry'abahezanguni rishyigikiye Trump ndetse bwari bugamije "guteza imidugararo", nkuko bivugwa na John Ratcliffe ukuriye ubutasi ku rwego rw'igihugu. Ratcliffe yanavuze ko abategetsi bo muri Amerika basanze Iran n'Uburusiya byarageze "ku makuru amwe ajyanye no kwiyandikisha kw'abatora". Ibi bitangajwe habura iminsi 13 ngo amatora ya perezida abe. Iki kiganiro n'abanyamakuru cy'urwego rw'ubutasi ubundi kidasanzwe kibaho amatora ya perezida ari hafi kuba nk'uku, kigaragara nk'icyemezo cy'impungenge leta ifite ku kwivanga mu bikorwa byo gutora no gukwirakwiza amaku...
Kim Jong-un yasabye imbabazi ku iyicwa ry’umutegetsi ukomeye wa Korea y’Epfo

Kim Jong-un yasabye imbabazi ku iyicwa ry’umutegetsi ukomeye wa Korea y’Epfo

Mu mahanga
Perezida wa Korea ya ruguru Kim Jong-un mu buryo butamenyerewe ubwe, yasabye imbabazi ku iyicwa ry'umutegetsi wo muri Korea y'Epfo nk'uko ubutegetsi bw'i Séoul bubivuga. Biravugwa ko Kim yabwiye mugenzi we Moon Jae-in wa Korea y'epfo ko icyo gikorwa giteye isoni kidakwiye kuzongera kubaho. Korea y'Epfo ivuga ko uwo mugabo w'imyaka 47 yabonywe n'abasirikare ari ku mazi yo ku ruhande rwa Korea ya Ruguru. Ubutegetsi bw'i Séoul buvuga ko yarashwe agapfa umubiri we ugahita utwikwa. Iri yicwa rya mbere rikozwe n'ingabo za Korya ya Ruguru ku muturage wa Korea y'Epfo, mu myaka igera ku icumi ishize ryateye uburakari bukomeye muri Korea y'Epfo. Umupaka hagati y'ibi bihugu urarindwa bikomeye cyane, kandi bivugwa ko Korea ya Ruguru yashyizeho amabwiriza yo kuras...
Centrafrique: Eric Danboy Bagale warindaga François Bozizé araregwa ibyaha byo mu ntambara

Centrafrique: Eric Danboy Bagale warindaga François Bozizé araregwa ibyaha byo mu ntambara

Mu mahanga
Polisi y'Ubufaransa yataye muri yombi umwe mu bahoze barinda uwahoze ari perezida wa Centrafrique, imushinja ibyaha byo mu ntambara n'ibyaha byibasira inyoko-muntu. Eric Danboy Bagale yajyanwe mu murwa mukuru Paris nyuma yuko ku wa kabiri atawe muri yombi mu burasirazuba bw'Ubufaransa, nkuko bitangazwa n'ibiro ntaramakuru AFP. Ashinjwa kuyobora umutwe w'intagondwa wa Anti-Balaka wiganjemo abavuga ko ari abakristu, ucyekwaho gukora ubwicanyi bwo kwihorera nyuma y'ihirikwa rya Perezida François Bozizé mu mwaka wa 2013. Abantu babarirwa mu bihumbi biciwe mu bikorwa by'urugomo byakurikiyeho. Kuva Centrafrique - yakolonijwe n'Ubufaransa - yabona ubwigenge mu mwaka wa 1960, yakomeje kurangwamo ibibazo by'umutekano mucye. Ariko mu mwaka wa 2013, inyeshyamba ...
Mali: Abategetsi ba gisirikare bemeye leta y’inzibacyuho izamara amezi 18

Mali: Abategetsi ba gisirikare bemeye leta y’inzibacyuho izamara amezi 18

Mu mahanga
Abategetsi bashya ba gisirikare muri Mali bemeye gushinga leta y'inzibacyuho izamara amezi 18, gushyika amatora abaye. Umuvugizi w'aba basirikare bafashe ubutegetsi avuga ko iyi leta ishobora kuyoborwa n'umusivire cyangwa umusirikare. Iyi ngingo yafashwe  nyuma y'ibiganiro byamaze iminsi itatu hagati y'aba bategets ba gisirikare ku ruhande rumwe, hamwe n'abatavuga rumwe n'ubutegetsi n'amashyirahamwe adaharanira inyungu za politike. Ibi biganiro byari byerekeye kureba uko ubutegetsi bwa Mali bwasubira mu maboko y'abasivire. Uwahoze ari umukuru w'iki gihugu, Ibrahim Boubacar Keïta, ubu yashoboye kuva mu gihugu mu Cyumweru gishize nyuma yo guhirikwa ku butegetsi. Uwahoze ari umukuru w'ibiro bye avuga ko ashobora kumara iminsi 15 hanze aho yagiye kwiv...
Venezuela: Perezida Maduro atangaza ko iki gihugu cyafashe maneko wa Amerika

Venezuela: Perezida Maduro atangaza ko iki gihugu cyafashe maneko wa Amerika

Mu mahanga
Umukuru w'igihugu cya Venezuela, Nicolas Maduro avuga ko maneko wa Amerika yafatiwe muri iki gihugu yitwaje intwaro. Mu ijambo yatanze, Maduro avuga ko uyu mugabo yafatanywe ibirwanisho n'amafaranga menshi, akaba  yari asanzwe akorera ingabo za Amerika zikorera ku birindiro bya  CIA muri Iraq. Ibi bibaye nyuma y'aho mu kwezi gushize urukiko rwo muri iki gihugu rwaciriye gufungwa imyaka 20 Abanyamerika babiri bahoze ari abasirikare bashinjwa bariho bategura guhirika ubutegetsi bwa Perezida Maduro. Luke Denman na Airan Berry bahamijwe ibyaha byo gutegura guhungabanya ubutegetsi bw'igihugu, kuguridsha ibirwanisho mu buryo bwa magendo hamwe n'iterabwoba. Aba babiri bari mu bantu 13 bahagaritswe mu kwa gatanu mu gihe bariho bagerageza kwinjira muri Venezuela ...
Mali: Agatsiko k’abasirikare kahawe icyumweru ngo gashyireho perezida w’umusivile

Mali: Agatsiko k’abasirikare kahawe icyumweru ngo gashyireho perezida w’umusivile

Mu mahanga
Agatsiko k'abasirikare kahiritse perezida wa Mali mu kwezi gushize ,kahawe kugeza ku itariki ya 15 Nzeri uyu mwaka ngo kabe kamaze gushyiraho umutegetsi w'umusivile wo kuyobora inzibacyuho. Umuryango w'ubukungu w'ibihugu byo muri Afurika y'uburengerazuba, CEDEAO wavuze ko uwo perezida w'umusivile na minisitiri w'intebe w'umusivile bayobora igihugu kugeza habaye amatora. Ntacyo agatsiko k'abasirikare kafashe ubutegetsi muri Mali kari kasubiza ku mugaragaro kuri ibyo byatangajwe ejo ku wa mbere, mu nama yitabiriwe n'abakuru b'ibihugu umunani bo mu muryango wa CEDEAO ugizwe n'ibihugu 15  yabereye i Niamey mu murwa mukuru wa Niger. CEDEAO ishaka ko inzibacyuho imara umwaka umwe, ariko mu gihe gishize ako gatsiko k'abasirikare kavuze ko gashaka igihe kirimo gushyira mu ...